Народ што не гледа на кој јазик зборуваш, туку како да те разбере

Влегуваш во дуќан: „Добар ден, повелете.“ Го слуша акцентот и после две реченици веќе си на: „Од Србија сте? Нема проблем, извол’те…“ Ако зад тебе влезе некој од Грција - разговорот лесно преминува на грчки. Ако ти е полесно на англиски – и тоа ќе го добиеш, без многу размислување. Истиот принцип важи и за такси возачот кој без проблем ќе префрли од „Каде одите?“ на „Where are you going?“, или за келнерот кој на една маса зборува македонски, на другата грчки а на третата српски. Гевгелија е мал град на граница, но со навики на космополитски центар. Децении наназад живее со патници, камионџии, туристи и транзитни семејства, па јазиците тука не се престиж, туку алатка за секојдневие. Бензински, ресторани, такси, продавници - секое работно место е мал јазичен курс во живо. Затоа не е чудо што многу гевгеличани знаат по два-три, а некои и четири јазици. Не со „учебнички“ фрази, туку со природен, жив говор: да прашаш, да нарачаш, да се снајдеш. За гостите, тоа значи едно: нема бариера. Ќе се разберете со рецепцијата, ќе нарачате што сакате во ресторан, ќе добиете насока, совет или препорака без да се чувствувате изгубено. Градот, преку луѓето, станува преведувач. Токму од оваа секојдневна магија на разбирање се раѓа и срцето на TravelGVG. Нашиот портал не е само листа на бизниси, туку дигитално продолжение токму на тој гевгелиски инстинкт – инстинкот за разбирање. Затоа и самиот е мултијазичен, достапен на македонски, српски, англиски и грчки. Како што гевгеличани лесно менуваат јазици во жив разговор, така и TravelGVG ви ги нуди истите информации на јазикот на кој се чувствувате најкомотно. Значи, кога ќе кажеме дека Гевгелија е лесен град за странци, не зборуваме за географската местоположба. Зборуваме за локацијата на срцето, и за тоа колку е лесно и едноставно да добиете искрено „добредојдовте“ - на јазикот на вашиот срце.